Nasa បង្កើតឡើង អស់រយៈ ពេលជាង៦០ឆ្នាំ ហើយគិត មកដល់ថ្ងៃនេះ

ប្រវត្តិសាស្ត្រ: នៅថ្ងៃនេះ២៩ ខែកក្កដា កាលពីក្នុងឆ្នាំ១៩៥៨ សភាអាមេរិក បានអនុម័ត ច្បាប់ បង្កើតរដ្ឋបាល ទទួលបន្ទុកផ្នែកអាកាសយាន និងអវកាសជាតិ ឬហៅកាត់ថា ណាសា ជាផ្លូវ ការ ដែលវាក៏ត្រូវបាន គេស្គាល់ផងដែរថា ជាទីភ្នាក់ងារស៊ីវិល ទទួលខុសត្រូវ ក្នុងការសំរប សំរួល សកម្មភាពរបស់ អាមេរិកក្នុងលំហអាកាស។

ចាប់តាំងពីពេលនោះ មកណាសាបានទទួល នូវការឧបត្ថម្ភការស្រាវជ្រាវ អវកាសទាំង មនុស្ស និងគ្រឿងមេកានិច និងបានផ្តល់ត្រឡប់មកវិញ នូវព័ត៌មានសំខាន់ៗ អំពីប្រព័ន្ធព្រះអាទិត្យ និងសាកលលោកទាំងមូល។ វាក៏បានចាប់ផ្តើមបាញ់ផ្កាយរណប ជុំវិញផែនដីជាច្រើន ផងដែរ ដែលជាឧបករណ៍សម្រាប់ ចាប់យកព័ត៌មានគ្រប់យ៉ាងពីការព្យាករណ៍ អាកាសធាតុទៅការធ្វើ នាវាចរទៅកាន់ការទំនាក់ទំនងជាសកល។

តាមពិតក៏មានមូលហេតុចំបង មួយទៀតដែលអង្គការ NASA ត្រូវបានបង្កើតឡើងគឺវាគឺ ជាការឆ្លើយតបទៅនឹងការ បាញ់បង្ហោះផ្កាយរណបSputnik Iរបស់ប្រទេសសូវៀត កាលពីថ្ងៃទី៤ខែតុលាឆ្នាំ១៩៥៧។

ការចាប់ផ្តើមរបស់ Sputnik បានធ្វើឲ្យជនជាតិអាមេរិក ទទួលរងនូវការភ្ញាក់ផ្អើល យ៉ាងខ្លាំង និងបង្កឱ្យមានការភ័យខ្លាចថាសូវៀត អាចនឹងមានសមត្ថភាពបញ្ជូនមីស៊ីល ដោយអាវុធ នុយក្លេអ៊ែរពីអឺរ៉ុបមកកាន់ប្រទេសអាមេរិកបានផងដែរ។ សហរដ្ឋអាមេរិក មានមោទនភាព ចំពោះការឈានមុខគេ នៃបច្ចេកវិទ្យានាពេលនោះបានទទួល រងនូវភាពអាម៉ាស់ភ្លាមៗ ហើយក៏បានសម្រេច ចិត្តចាប់ផ្តើមបង្កើតណាសាឡើង និងធ្វើការប្រជែងប្រណាំង ការរុករកទីអវកាសជាមួយនឹងសូវៀត៕