អឺរ៉ុប​នឹងសម្រេចជោគវាសនារបស់ខ្លួន​ដោយខ្លួនឯង​ពាក់ព័ន្ធការប្រើប្រាស់ សេវាកម្ម Huawei

ពេលនេះអាល្លឺម៉ង​អំពាវនាវឲ្យអឺរ៉ុប ឯករាជ្យនៅក្នុង ការសម្រេចប្រើប្រាស់បច្ចេកវិទ្យា របស់ចិន ឈប់រងសម្ពាធពីអាមេរិក​។ អធិការបតីអាល្លឺម៉ង់ លោកស្រី​ Angela Merkel ​កាលពីថ្ងៃទី​២៧ខែវិច្ឆិកា​បានអំពាវនាវ​ដល់បណ្តាប្រទេសនៅក្នុងតំបន់អឺរ៉ុប ឯកភាពគ្នាក្នុងការប្រើប្រាស់បច្ចេកវិទ្យា របស់ក្រុមហ៊ុនហួវាយ ក្នុងនោះមានសេវាកម្មជំនន់ទី​​៥​ 5G ​។

ការប្រកាសខាងលើ​របស់អធិកាបតីអាល្លឺម៉ង ធ្វើឡើង​ក្នុងពេលប្រជុំស្តីពីមូលនិធិនៅក្នុងរដ្ឋសភា​ ។ លោកស្រី​ Merkel ​បានលើកឡើងថា ការមិនឯកភាពគ្នា​ និងធ្វើឲ្យប៉ះពាល់យ៉ាងខ្លាំងដល់អឺរ៉ុប ក៏ដូចជា​ចិន និងប្រទេស ជាច្រើនទៀតនៅតំបន់អឺរ៉ុបទាំងមូល​។ពេលនេះបារាំងនិងអាល្លឺម៉ង ជាប្រទេសសំខាន់នៅតំបន់អឺរ៉ុប បានស្វែងរកការឯកភាពគ្នា ស្តីពីការប្រើប្រាស់បច្ចេកវិទ្យារបស់ក្រុមហ៊ុនចិន។ ក្រោយមកនិងមានវិធានការរួម​សម្រាប់អឺរ៉ុប​ទាំងមូល​។

លោកស្រី Merkel ​ក៏បានបញ្ជាក់ពីការចាំបាច់​​ដើម្បីធានាសុវត្ថិភាព នឹងការអភិវឌ្ឍន៍បណ្តាញ​សេវាជំនន់ទី​​៥ 5G ​បង្កើតឡើងដោយក្រុមហ៊ុនបច្ចេកវិទ្យាHuawei ។ កន្លងមក​រដ្ឋមន្ត្រីក្រសួងសេដ្ឋកិច្ចអាល្លឺម៉ង ក៏បានវិភាគ ទៅលើ​ការចោទប្រកាន់របស់អាមេរិក​ថា បច្ចេកវិទ្យាចិន គ្រោះថ្នាក់ចំពោះសន្តិសុខជាតិ ។​សកម្មភាពខាងលើរបស់អាមេរិក គឺមិនសមស្រប់ឡើយ ដោយទីក្រុងវ៉ាស៊ីនតោន ចង់ឲ្យអឺរ៉ុប បោះបង់ Huawei ​ទៅប្រើប្រាស់ផលិតផល របស់អាមេរិក​ជំនួសវិញ។

មកទល់ពេលនេះ អាល្លឺម៉ង់ នៅមិនភ្លេច​ អ្វីដែល អតីត​បុគ្គលិក​​ក្រសួងសន្តិសុខជាតិអាមេរិក​ NSA ​Edward Snowden ​បានទម្លាយជាសាធារណៈ គឺអាមេរិក​បានតាមដានអាល្លឺម៉ង​ សូម្បីតែទូរស័ព្ទរបស់លោកស្រី​ Merkel ​ក៏អាមេរិកលួចស្តាប់ដែល​។ ទាំងនោះហើយបានជាមន្ត្រីអាល្លឺម៉ងបានលើកឡើងថា ការបោះបង់ ហួវាយទៅប្រើប្រាស់ បច្ចេកវិទ្យាអាមេរិកនោះ គឺ គ្រោះថ្នាក់​យ៉ាងពិតប្រាកដ​៕ ប្រែសម្រួលដោយ៖​ MEO